Fikmin #Sarung#
Ku: Ida Munfarida
Teu karasa boga budak tèh geus gedè, geus sakola. Kahayang mah nambah hiji deui ngarah aya baturna. Tapi pamajikan keukeuh embung, hiji gè cukup, cenah. Teu sanggup nyiramna sok ripuh, kitu alesanna. Miluan program KB euweuh anu cocog, boh makè pèl atanapi disuntik, dipasang sieun, cenah. Atuh kapaksa makè sarung.
Mangkukna isuk kènèh, pamajikan babalongkèngan utah, ku kuring dikerok bisi asup angin. Isukna angger kènèh kitu, padahal geus dikerok jeung nginum ubar.
Tadimah isuk kènèh dibawa ka rumah sakit, hariwang bisi kumaonam. Balik ti rumah sakit manèhna kukulutus. “Engkè mah ulah mènta sarung ti puskèsmas, urang meuli wè ti apotèk, sakalian anu buatan luar, ngarah alus!” Kitu pokna.
“Naha?”ceuk kuring malik nanya.
“Geuning ieu buktina, makè nu haratis mah, jadi!”
“Boa-boa ku batur?”kuring ngaheureuyan.
“Sumpah demi Alloh, daèk medu!”pamajikan susumpahan.
Gerentes hatè. “Hampura nyai, akang nu salah, tungtung sarung ku akang diguntingan”***
Ikustrasi: net
