Fikmin #Lalangsḗ di Nagri Deungeun#
Kḗnging: Mela Wati
Nasib diri bagja awak. Taunan ngarumahtangga ukur meunang kapeurih. Awḗt rajḗt. Loba pasḗa batan bagjana. Salaki taya kagadag, ukur ulin beberenjḗn. Sakalieun digeureuh-geureuh, malik ambek nepika sok nampiling. Ukur dilawan ku murubutna cimata.
Saban peuting sasambat ka Allah Taala. Mḗnta pituduh, bobongbolangan. Meunang jawaban yḗn kuring kudu pisah. Pet baḗ pipisahan.
Ganti bulan mendak taun, ngurus budak biayaeun. Antukna, gilig lunta ka negri deungeun, kuli. Basa rḗk miang, di Bandara katangḗn cimata jimat awaking. “Hampura..kasḗp geulis, anak mamah, sing tarawekalnya. ..doakeun mamah,” cekḗng, teu reureuh beueus cimata.
Meunang saminggu mah hatḗ inget waḗ ka lembur, ka budak. Ngarakacak. Tapi, sanggeus getḗn masa qur’an antukna hatḗ janglar. Dunungan ogḗ dumadakan bageur. Saban, tas gajihan ngirim ka lembur ka anak.
Teu karasa geus 14 taun leuwih bubuara di nagri deungeun. Teu karasa deuih umur beuki ngolotan. Hiji peuting bari nyileuk bet jorojoy hayang boga salaki deui.***
